SOKKER: Banyana Banyana-afrigter Desiree Ellis het ‘n nuwe vierjaarkontrak onderteken

Saamgestel deur Armando Pieters
Oct 31
1 min read

Die president van die Suid-Afrikaanse Sokkervereniging (Safa), Danny Jordaan, het aangekondig dat Banyana Banyana-afrigter Desiree Ellis ‘n nuwe vierjaarkontrak onderteken het en nou kan voorberei vir die volgende Afrika-beker van Nasies vir Vroue.

Jordaan het dit gedeel tydens die Amajimbos se afskeidsgeselligheid vir die FIFA onder 17-Wêreldbeker by OR Tambo-lughawe, waar Ellis ook teenwoordig was.

Banyana het gekwalifiseer vir volgende jaar se Wafcon ten spyte van Ellis se afwesigheid tydens kontrakgesprekke.

Jordaan sê sy kan nou ten volle fokus op die versterking van die span.