SWEM: Tiener-swemmer maak geskiedenis in Valsbaai
- Saamgestel deur Armando Pieters
- 6 hours ago
- 1 min read
Paul Roos Gimnasium se graad 10-leerder, Meinhardt Esterhuizen, het ’n merkwaardige prestasie gelewer deur tussen 33 en 35 kilometer deur Valsbaai te swem, van Miller se Punt tot Rooiels, in nege uur en 52 minute.
Volgens kenners is hy die jongste man nóg om dié oopwater-uitdaging suksesvol te voltooi.
Die swem op Versoeningsdag was ten bate van Prochorus, ’n organisasie sonder winsoogmerk wat jongmense in sy gemeenskap ondersteun en inspireer.
Esterhuizen het gesê dat geloof en die gedagte aan die kinders van Prochorus, hom deur die moeilike oomblikke gedra het.
Comments