TOUTREK: Oakdale-seuns wen weer goud in toutrek

Die onder-19 toutrekspan van Hoër Landbouskool Oakdale in die Wes-Kaap het in Nottingham hul vierde goue medalje gewen deur Chinese Taipei 2-0 in die eindronde te klop. Die seuns van Riversdal het reeds in vorige jare in Holten, Sursee en Mannheim die wêreldtitel losgeslaan, en het dié keer onder meer Switserland, Skotland en België agter hulle gelaat. In totaal het Suid-Afrika se sewe spanne in dertien afdelings vier medaljes gewen, teen meer as een duisend twee honderd deelnemers van 20 lande.