4 November is as ‘n openbare vakansiedag verklaar

President Cyril Ramaphosa het 4 November, Suid-Afrika se plaaslike regeringsverkiesingsdag, amptelik tot ’n openbare vakansiedag verklaar.

Die verklaring was te wagte, gegewe die historiese presedent dat alle verkiesingsdae tot openbare vakansiedae verklaar word, maar die publikasie in die Staatskoerant het die wetgewende proses afgehandel.

Business Tech berig daar was aanvanklik kommer dat die verkiesing die matriekeksamenperiode kon ontwrig omdat baie skole as stemlokale gebruik word.

Die voorsitter van die Parlement se Staande Komitee oor Begrotings, Mmusi Maimane, sê die verkiesingsliggaam het reeds die kwessie aangespreek. Volgens hom sê die OVK daar sal minimale ontwrigting vir matrikulante wees omdat die dag as ’n openbare vakansiedag aangewys is.