Aanlyn-dobbelary wek kommer

Saamgestel deur Ilde Roos
Oct 16
1 min read

Suid-Afrika se aanlyn dobbelbedryf het die afgelope jaar ongeveer R75 miljard in inkomste gegenereer. Die land se dobbelomset het R1,5 biljoen in die vorige finansiële jaar bereik.

Die uitvoerende direkteur van Responsible Gambling, Sibongile Simelane-Quntana, sê dit wek dringende kommer oor regulering en verslawing.

Sy waarsku dat kompulsiewe dobbelary ‘n kliniese probleem kan word wat saam met ander toestande, insluitend depressie en ernstige slapeloosheid, gepaard gaan.

Simelane-Quntana sê daar is ‘n behoefte aan strenger advertensieregulasies om te verhoed dat jongmense by dobbelary betrokke raak.