Die Madlanga-kommissie vra toestemming om intelligensiedokumente te gebruik

Die Madlanga-kommissie het sy bewysleiers opdrag gegee om toestemming by ’n senior intelligensiebeampte te kry vir die gebruik van geklassifiseerde dokumente.

Die besluit volg op ’n aansoek dat die waarnemende koördineerder van die Nasionale Intelligensie-koördineringskomitee, Ntandazo Sifolo, agter geslote deure getuig. Die kommissie het tydens argumente hierdie week verneem dat die grootste deel van sy getuienis verband hou met dokumente waarvan die geheime status nie opgehef is vir openbare verspreiding nie.

Bewysleiers moet teen Woensdag aan die kommissie se voorsitter, regter Mbuyiseli Madlanga, verslag doen. Verdere opdragte sal daarna uitgereik word.

Ter illustrasie. FOTO: Wix