AfriForum betwis ‘n vereiste vir watergebruikslisensies
Die burgerregte-organisasie AfriForum betwis ‘n vereiste op die Departement van Water en Sanitasie se aanlyn stelsel dat aansoekers vir watergebruikslisensies bewys moet lewer dat hul voorgestelde gebruik vorige rasse- en geslagsdiskriminasie sal aanspreek.
Die organisasie sê die Nasionale Waterwet vereis dat verskeie faktore in ag geneem moet word wanneer aansoeke beoordeel word, eerder as om regstelling ‘n verpligte eerste hindernis te maak.
AfriForum het die minister van Water en Sanitasie, Pemmy Majodina, gevra om die regsgrondslag vir die vereiste te verduidelik, insluitend die insluiting van breëbasis swart ekonomiese bemagtiging-status.
AfriForum se raadgewer vir Omgewingsake, Marais de Vaal, waarsku dat die proses beleggings kan ontmoedig en besighede, werkgeleenthede en produktiewe watergebruik kan beïnvloed.
LUISTER HIER:
Comments