AfriForum sal Eskom se aansoek vir ’n elektrisiteitstariefverhoging teenstaan

Saamgestel deur Nadia Pieters

Sep 8

1 min read

AfriForum sê hy sal Eskom se aansoek om ’n gemiddelde elektrisiteitstariefverhoging van sowat agt-komma-agt persent vir 2027/28 teenstaan en formele kommentaar by die Nasionale Energiereguleerder van Suid-Afrika (Nersa) indien.

Die organisasie sê die verhoging is ongeregverdig terwyl Eskom onlangs ’n wins van R30.35 miljard bekend gemaak het, ondanks erkenning dat miljarde rand aan onreëlmatige dieselbetalings bestee is.

AfriForum se bestuurder vir Plaaslikeregeringsake, Morné Mostert, sê elektrisiteitsverkope het met 6.2% gedaal, terwyl inkomste weens hoë tariewe toegeneem het, wat verbruikers verder onder druk plaas.

LUISTER HIER:

Morne Mostert

0:31