Amerika sny befondsing aan SA burgerlike organisasies

Weke nadat Amerika Afrikaners genooi het om vlugtelinge daar te word, het hul departement van Buitelandse sake se Buro vir bevolking, vlugtelinge en migrasie befondsing aan Suid-Afrikaanse burgerlike organisasies afgesny. Die Amerikaanse president Donald Trump het kort nadat hy in Januarie sy amp beklee het, ‘n 90-dae wagtydperk oor buitelandse hulp in plek gestel. ’n Maand later, en ten spyte van hangende litigasie, het die Trump-administrasie begin om die meeste Amerikaanse buitelandse hulpkontrakte en toelaes te beëindig. Organisasies in Suid-Afrika wat dienste lewer om vlugtelinge en asielsoekers by te staan wat na die suidpunt van Afrika gemigreer het, is nie gespaar nie.