Befondsingsinisiatief wil MKMO's ondersteun

Saamgestel deur Ilde Roos
Mar 31
1 min read

Die Vrystaatse LUR vir Finansies, Ekonomiese Ontwikkeling en Toerisme, Ketso Makume, gaan nuwe befondsingsaansporings onthul wat daarop gemik is om mikro-, klein en mediumgrootte ondernemings (MKMO’s) te ondersteun.

Die departement sê die inisiatief poog om dorpsekonomieë te versterk, inklusiewe groei te bevorder en werksgeleenthede regoor die provinsie te skep. Amptenare sal die uitkomste van die aansporingsvenster, die geografiese verspreiding van goedgekeurde aansoeke en uitdagings wat tydens die proses ondervind is, uiteensit.

Meer as 2 000 MKMO-befondsingsaansoeke is tot dusver ontvang, met sommige wat na ontwikkelings-finansierings-instellings vir ondersteuning verwys is.