BKS: SA ontvang meer entstowwe

Saamgestel deur Jana Roos
2 hours ago
1 min read

Die Departement van Landbou sê Suid-Afrika het nog drie-komma-vyf miljoen dosisse bek-en-klouseer-entstof ontvang.

Hierdie nuwe entstowwe sal na verwagting die land se siektebeheerpogings versterk, en ‘n totaal van 13-komma-vyf miljoen entstofdosisse is sedert Februarie ingevoer. Die departement sê die stryd teen die siekte neem toe terwyl dit werk om vee te beskerm en voedselsekerheid te verbeter.

Die nuwe aflewering volg op ‘n onlangse hofuitspraak wat minister John Steenhuisen gelas het om boere toe te laat om hul eie entstowwe te koop.