Bloemfonteiners bloei om lewens te red

Byna 150 eenhede bloed is op Wêreldbloedskenkerdag in Bloemfontein, by ondermeer Mimosa Mall en die Southern Centre, geskenk. Elke jaar op 14 Junie vier nasies wêreldwyd die geleentheid wat gewy word aan die uiting van dankbaarheid aan vrywillige, onbetaalde bloedskenkers vir hul selflose bydraes wat lewens red. Volgens die Wereldgesondheidsorganisasie dien hierdie dag nie net om hierdie vrygewige individue te erken nie, maar ook om die voortdurende en kritieke behoefte aan veilige en gereelde bloedskenkings te beklemtoon. Vanjaar se tema "Gee bloed, gee hoop: saam red ons lewens," beklemtoon die beduidende impak van skenkers. Die Suid-Afrikaanse Nasionale Bloeddiens sê op sosiale media bloedskenkers is die hartklop van die nasie en dat hulle alle skenkers die maand eer en vier.