'Vreedsame verkiesings begin met veldtogte, nie op verkiesingsdag nie'
Die DA se Federale Voorsitter, Solly Msimanga, sê vreedsame verkiesings begin met veldtogte, nie op verkiesingsdag nie.
Msimanga het tydens die seremonie vir die ondertekening van die Onafhanklike Verkiesingskommissie se gedragskode en stembrieftrekking in Pretoria Woensdag die party se verbintenis tot vreedsame veldtogte en die Verkiesingskode belowe.
Hy sê politieke partye moet kieserintimidasie, vals nuus en inmenging vermy, terwyl kiesers toegelaat word om mededingende idees te hoor en hul stemme vrylik uit te bring.
Intussen het Bosa se leier, Mmusi Maimane, die komende plaaslike verkiesing as ‘n referendum oor die stand van bestuur op plaaslike vlak beskryf.
Hy sê kiesers moet diegene verwyder wat plaaslike regering laat verval het, en leiers steun wat daartoe verbind is om basiese dienste soos water en elektrisiteit te verbeter.
Comments