Byna ’n kwart van brande hou met litiumbatterye of sonkrag verband

Saamgestel deur Nadia Pieters

Sep 14

1 min read

Byna een uit elke vier brande waarop Fire Ops SA in Bloemfontein reageer, hou tans verband met litiumioonbatterye of sonkragstelsels.

Hulle sê op sosiale media litiumioonbatterybrande verskil van gewone brande omdat ’n proses genaamd termiese weghol kan veroorsaak dat hitte van een beskadigde batterysel na ander selle versprei.

Selfs nadat die vlamme geblus is, kan beskadigde selle steeds baie warm bly en weer vlam vat.

Met sonkraginstallasies en batterystoorstelsels wat al hoe meer algemeen in Suid-Afrikaanse huise en besighede word, sê Fire Ops SA dit raak belangrik om te verstaan hoe dié brande optree en hoe dit hanteer moet word.