Cachalia is ontsteld oor onthullings by die Madlanga-kommissie

Die waarnemende polisieminister, Firoz Cachalia, het kommer uitgespreek oor onthullings by die Madlanga-kommissie rakende die Ondersoekdirektoraat Teen Korrupsie (Idac).

Dit volg nadat die Nasionale Vervolgingsgesag Vrydag onvoorwaardelik die aanklagte van bedrog en korrupsie teen sewe misdaadintelligensiebeamptes teruggetrek het.

Die beamptes sluit luitenant-generaal Dumisani Khumalo in, wat sal voortgaan om die afdeling en die Politieke Moord-taakspan te lei.

Die terugtrekking volg op getuienis voor die kommissie, waar Idac-aanklaers kommer uitgespreek het oor die amptenare se inhegtenisnemings.

Cachalia sê hy is ontsteld oor die omvang van die beweerde korrupsie wat by die kommissie blootgelê is.

LUISTER HIER:

260824nFiroz-Cachalia_idac

0:22

Firoz Cachalia. FOTO: Facebook