Cosatu sê die regering se nuwe motoraankooplimiete is toondoof

Cosatu het die Nasionale Tesourie se onlangse besluit om motor-aankooplimiete vir politici te verhoog veroordeel. Cosatu beskryf die besluit as toondoof en meen dit is ’n beduidende belediging vir die werkersklas.

Die vakbond se Matthew Parks doen ’n beroep op president Cyril Ramaphosa om in te gryp en die besluit om te keer. Parks sê dit is kommerwekkend dat die regering toegewings vir politici maak, terwyl hulle streng besparingsbegrotingsbesnoeiings instel wat openbare dienste lam lê.

Rosestad-nuus het vroeër berig die Tesourie het die limiete vir die aankoop van nuwe motors tot een-komma-een miljoen rand verhoog.

Matthew Parks. FOTO: EWN