Die Artemis-span is verby die halfpadpunt
- Saamgestel deur Nadia Pieters
- 8 hours ago
- 1 min read
Die vier ruimtevaarders van Nasa se Artemis-sending is verby die halfpadpunt tussen die aarde en die maan op pad na hul beplande verbyvlug.
Volgens Maroela Media het sendingbeheer die mylpaal bevestig en aan die span gesê hulle is nou nader aan die maan as aan die aarde.
Die ruimtevaarder Christina Koch sê die span kan die maan reeds deur die ruimtetuig se luik sien en beskryf dit as ’n pragtige uitsig.
Die mylpaal is sowat twee dae ná lansering bereik, met die Orion-ruimtetuig wat meer as 219 000 kilometer van die aarde af is.
Die sending se volgende groot stap is om die maan se swaartekragveld binne te gaan, wat die tuig om die maan sal laat swaai.
Die vier ruimtevaarders – drie Amerikaners en ’n Kanadees – sal daarna terugkeer aarde toe.
Comments