Die bekende kunstenaar Portchie is oorlede
- Saamgestel deur Nadia Pieters
- 7 hours ago
- 1 min read
Die bekende Suid-Afrikaanse kunstenaar Portchie is Vrydagoggend oorlede.
'n Familielid het die nuus op sosiale media gedeel en gesê hy het deur sy geloof, kuns, vriendelikheid en passie vir die lewe talle mense se lewens aangeraak.
Portchie se kleurryke kunswerke is landswyd bekend en is ook by die Red Teapot Gallery in Stellenbosch uitgestal en verkoop.
In die huldeblyk is gesê sy nalatenskap sal voortleef in die mense wat hom geken het en in die skoonheid wat hy deur sy kuns geskep het.
Portchie word deur familie, vriende en kunsliefhebbers regoor die land oorleef.
