Die onderwysdepartement verwerp bewerings van onreëlmatighede

Die Departement van Basiese Onderwys het bewerings van onreëlmatighede in sy handboekverkrygingstelsel verwerp. Die departement sê sy stelsel is deursigtig en ontwerp om gehalte en koste-effektiwiteit te verseker.

Dit sê materiaal word beoordeel deur ’n streng, anonieme siftingsproses wat uitgewer- en outeurbesonderhede verwyder om billike evaluering te verseker. Die departement se Terence Khala sê slegs inhoud wat aan kurrikulum- en gehaltestandaarde voldoen, word oorweeg, met finale keuses gebaseer op koste-effektiwiteit.

Khala sê die departement het kommer oor hoë pryse in sommige gevalle erken, insluitend Tshivenda-materiaal, en sê dit is besig om te skakel met provinsies en uitgewers om dit aan te spreek.

Ter illustrasie. FOTO: Wix