Die polisie waarsku kopers teen Black Friday-swendelaars
Die Suid-Afrikaanse Polisiediens waarsku verbruikers om waaksaam te wees wanneer hulle gedurende die Black Friday-inkopietydperk winkelsentrums, OTM'e en aanlynwinkels besoek.
Polisiewoordvoerder, kolonel Cherelle Ehlers, sê die toename in inkopie-aktiwiteite bied aan misdadigers geleenthede om niksvermoedende kopers te teiken.
IOL berig die polisie maan verbruikers om bewus te bly van hul omgewing, nie hulp van vreemdelinge by OTM'e te aanvaar nie en nooit hul persoonlike identifikasienommers, of PIN-kodes, met ander te deel nie. Ehlers raai kopers aan om eerder OTM'e binne winkelsentrums of supermarkte te gebruik, waar sekuriteit gewoonlik meer sigbaar is.
Die polisie waarsku ook teen bedrieglike webwerwe, verdagte verkopers en aanloklike aanbiedinge wat daarop gemik is om mense se bankbesonderhede te bekom.
Volgens Ehlers kan misdadigers kopers wat op soek is na afslagpryse, met misleidende winskopies uitvang.
Comments