Die skielike massavrekte van sardyne word ondersoek
Die Departement van Bosbou, Visserye en die Omgewing (DFFE) het ’n dringende taakspan ingestel om ’n reaksie op die vrekte van duisende sardyne en die ontdekking van die sardynherpesvirus te koördineer.
Die rol van die virus, omgewingstoestande en ander moontlike faktore wat tot die massavrektes kon bygedra het, sal ondersoek word. Dit kan wees dat ’n kombinasie van die virus en ’n omgewingstresfaktor wat nog nie vasgestel is nie, tot die vrekte van die ander sardyne gelei het.
Nova News berig omgewingsfaktore wat geïdentifiseer is, sluit in skadelike algblomme, lae suurstofvlakke en ongewone seetoestande. Toetse het egter die verlammende gifstowwe wat met die algblomme in Saldanhabaai geassosieer word, uitgesluit.
Die DFFE sê ook daar is geen bewyse dat die virus mense of ander diere besmet nie.
Comments