Die vrouemoorde in Kempton Park is as 'n nasionale krisis verklaar
President Cyril Ramaphosa het die moorde in Kempton Park 'n nasionale krisis verklaar. Dit is volgens die waarnemende minister van Polisie, Firoz Cachalia.
Hy sê beamptes gaan Kempton Park onder streng bewaking plaas nadat die liggaam van nog ’n vrou ontdek is. Dit bring die getal vroueliggame wat in die gebied gevind is op agt te staan.
SABC News berig Cachalia sê benewens die instelling van 'n multidissiplinêre span gaan sigbaarheid deur Operasie Shanela in Kempton Park en die omliggende gebiede aansienlik uitbrei.
Hy sê die gemeenskap sal in die komende weke ’n groter teenwoordigheid van die polisiediens sien, en hulle sal al die nodige wetstoepassingsvermoëns mobiliseer.
Cachalia het aan die media gesê dié sterftes is ’n duidelike herinnering daaraan dat baie vroue steeds in onveilige omstandighede leef.
LUISTER HIER:
Comments