Die Vrystaat teken ‘n toename in ernstige misdade aan

Die Vrystaatse polisie het ‘n algehele toename in kontak- en gemeenskapsgerapporteerde ernstige misdaad gedurende die eerste kwartaal van die boekjaar aangeteken.

Kontakmisdaad het met 3.6% gestyg tot 8 817 gevalle, terwyl gemeenskapsgerapporteerde ernstige misdaad met 3.9% toegeneem het tot meer as 20 600 gevalle.

Eiendomsverwante misdaad het egter met 1.1% afgeneem.

Die polisie sê misdade wat deur polisie-optrede opgespoor is, het met 13% toegeneem, met hoër opsporings van dwelmverwante misdade, seksuele oortredings en onwettige vuurwapens.

Ter illustrasie. FOTO: Facebook