Die VSA oorweeg glo om miljoene aan AfriForum toe te ken vir ’n ondersoek

Saamgestel deur Nadia Pieters

5 days ago

1 min read

Die Trump-administrasie oorweeg ’n moontlike toekenning van byna R16,3 miljoen aan die Suid-Afrikaanse burgerregteorganisasie AfriForum om beweerde diskriminasie en geweld teen Afrikaners en ander minderhede te ondersoek.

Volgens SABC News, wat ’n ondersoek deur ProPublica aanhaal, sou die geld uit die Amerikaanse ministerie van buitelandse sake se menseregtebegroting kom.

AfriForum het aangedui dat geen befondsing nog finaal toegeken is nie. Die Amerikaanse ministerie het ook nie die voorgestelde toekenning in die openbaar bevestig nie.

Demokratiese wetgewers het intussen kommer uitgespreek oor die deursigtigheid van die proses.