Diefstal van watermeters in Bloemfontein kan lei tot 30 jaar tronkstraf
- Saamgestel deur Armando Pieters
- Sep 15
- 1 min read
Die Mangaung Metropolitaanse Munisipaliteit het 'n waarskuwing uitgereik aan inwoners nadat die diefstal van en vandalisme aan watermeters met rasse skrede toeneem.
Dit bedreig noodsaaklike waterdienste en kos die stad miljoene rand.
Amptenare sê in 'n openbare verklaring op sosiale media diefstal van en vandalisme aan watermeters is 'n kriminele oortreding en oortreders sal vervolg word.
Die Wysigingswet op Strafregtelike Sake 18 van 2015 sê dit is strafbaar met 30 jaar tronkstraf of boetes van tot R100 miljoen.
Die munisipale woordvoerder, Qondile Khedama, sê die toename in diefstal vertraag die vervanging en herstel van meters, en lei tot toenemende druk op die stad se reeds sukkelende watertoevoersisteem.
Comments