FIETSRY: Tienerfietsryer pak 25 000 km aan om lewens in SA te verander

Saamgestel deur Armando Pieters
Jan 22
1 min read

Die 18-jarige George Malcolm het ’n reuse 25 000-kilometer fietstog van Engeland na Nieu-Seeland aangepak om geld in te samel vir die Qhubeka-liefdadigheidsorganisasie.

Volgens Good Things Guy wil die “Big Bike Ride” fietse voorsien aan mense in onderbediende Suid-Afrikaanse gemeenskappe, sodat hulle verder kan reis, meer kan dra en beter toegang tot geleenthede soos skool, werk en gesondheidsorg kan kry.

George het in helder weer weggespring, maar teen dag vier is hy reeds getoets met twee papwiele, ’n gebreekte speek, toerustingprobleme en selfs ’n rivierkruising waar sy ligte halfpad ophou werk het. Ten spyte daarvan het hy positief gebly met hulp van vreemdelinge en gashere langs die roete.

George mik om die uitdaging binne sowat 18 maande klaar te maak en deel sy reis aanlyn.