Franse skole is gesluit te midde van skoliere-protesoptrede

Meer as 400 skole in Frankryk is Vrydag gesluit met klasse wat aanlyn aangebied sal word, terwyl wydverspreide protesoptrede deur skoliere na verwagting sal voortduur.

Daar was Donderdag meer as 2 000 inhegtenisnemings nadat skoliere talle skole se ingange versper het. Minstens twee skole is in Nantes en LeHavre aan die brand gesteek, sowel as 'n brandweervoertuig in Marseilles.

SABC-nuus berig die leerlinge is ontevrede oor oorvol klaskamers, 'n tekort aan onderwysers en vervalle skoolgeboue.

Die Minister van Onderwys, Edouard Geffray het Donderdagaand aangedui dat hy Vrydag met studenteverenigings, ouerorganisasies en onderwysvakbonde sal vergader.

Protesaksie buite 'n Franse skool. FOTO: BBC