GHOLF: Scottie Scheffler wen sy derde major op Quail Hollow

Die wèreld nommer een speler Scottie Scheffler spog nou met drie majors  op sy CV nadat hy met vyf houe skoonskip gemaak het op Quail-Hollow in Charlotte, Noord-Karolina. Scheffler het geëindig op ’n totaal van -11 met sy landgenote Harris English, Bryson DeChambeau en Davis Riley wat die tweede plek deel. Onder die Suid-Afrikaners het Christiaan Bezuidenhout die beste gevaar en was in die gesamentlike 50^ste plek op 4+ terwyl Garrick Higgo ’n nagmerrie vierde ronde gehad en ’n nege-oor-syfer op sy telkaart moes invul vir ’n totaal van 5+.