Holomisa sê die ANC se parlementêre studiegroepe lyk soos staatskaping

Die leier van die UDM, Bantu Holomisa, het ernstige kommer uitgespreek oor die ANC se parlementêre studiegroepe, wat hy meen soos ’n vorm van staatskaping begin lyk.

Hy het sy kommer in ’n boodskap aan die Speaker van die Nasionale Vergadering, Thoko Didiza, en die voorsitter van die Staatsdienskommissie, Somadoda Fikeni, uiteengesit.

Volgens Holomisa word senior staatsamptenare, insluitend direkteurs-generaal en sekuriteitspersoneel, na geslote vergaderings met ANC-parlementslede genooi — buite die formele parlementêre prosesse.

Hy waarsku dat sulke praktyke die beginsels van deursigtige en demokratiese regering ondermyn, en moontlik die deur oopmaak vir magsmisbruik.

Bantu Holomisa. FOTO: Facebook