KRIEKET: Bairstow en De Kock verpletter die Capitals

Saamgestel deur Armando Pieters
Jan 6
1 min read

Jonny Bairstow en Quinton de Kock het ‘n oorheersende vennootskap gelewer, om Sunrisers Eastern Cape tot ‘n verpletterende bonuspunt-oorwinning van 10 paaltjies oor Pretoria Capitals in hul Betway SA20-botsing by Centurion te lei.

Met ‘n jaagtog van 177 lopies het die twee onder die ligte in die Capitals-aanval ingestorm, met De Kock wat 79 van 41 balle geslaan het en Bairstow 85 van 45, terwyl Sunrisers sonder om ‘n paaltjie te verloor, huis toe gestorm het.

Vroeër het Sunrisers se boulers die skade aangerig, met Anrich Nortje en Adam Milne wat vyf paaltjies gedeel het om die gashere tot 176 vir sewe te beperk.

Vir die Capitals was dit ‘n duur derde nederlaag van die veldtog, terwyl die uitslag die Sunrisers stewig in die stryd naby die bopunt van die puntelys lig.