KRIEKET: Markram se meesterklas verseker die Proteas 'n halfeindrondeplek

Saamgestel deur Armando Pieters
Feb 27
1 min read

Aiden Markram het 82 lopies van 46 balle aangeteken, om Suid-Afrika na ‘n oorwinning met nege paaltjies oor die Wes-Indiese Eilande in hul T20 Wêreldbeker Super Agt-botsing te lei.

Quinton de Kock se vinnige 47 en Ryan Rickelton se onoorwonne 45 lopies, het verseker dat die teiken van 176 met gemak oorgesteek is, terwyl Lungi Ngidi en Kagiso Rabada die toon aangegee het met vroeë paaltjies om die Windies tot 43-4 te verminder.

Die uitslag het Suid-Afrika as die enigste onoorwonne span in die toernooi gelaat en hul halfeindrondeplek bevestig, nadat Indië vir Zimbabwe met 72 lopies geklop het.

Indië het 256-4 opgestapel voordat hulle Zimbabwe tot 184-6 beperk het.