KRIEKET: Protea-vroue struikel in laaste T20 teen Pakistan
- Saamgestel deur Armando Pieters
- Feb 17
- 1 min read
Die Suid-Afrikaanse vrouekrieketspan het hul swakste vertoning gelewer toe Pakistan hulle met 58 lopies in die derde en laaste T20 op Willowmore-park in Benoni geklop het.
Pakistan het 144-7 aangeteken nadat die Protea-vroue vyf vangkanse verbeur het, met kaptein, Fatima Sana, wat ’n onoorwonne 47 van 30 balle geslaan het.
In antwoord daarop is Suid-Afrika vir slegs 91 lopies in net minder as 17 boulbeurte uitgeboul, met Nadine de Klerk en Annerie Dercksen se vennootskap van 55 om die vyfde paaltjie.
Die Protea-vroue het die reeks met 2-1 beklink en sal Sondag in Bloemfontein in die eerste van drie eendagwedstryde teen Pakistan te staan kom.
In die mans T20 Wêreldbeker het Sri Lanka vir Australië met 8 paaltjies gewen, terwyl Kanada nou kragte meet met New Zealand. Later vandag sal Ierland en Zimbabwe mekaar ontmoet met Skotland en Nepal wat ook die stryd sal aansê.
Comments