KRIEKET: Sunrisers storm SA20-uitspeelwedstryde binne

Saamgestel deur Armando Pieters
Jan 15
1 min read

Sunrisers Eastern Cape het die eerste span geword wat vir die Betway SA20 Seisoen 4-uitspeelwedstryde gekwalifiseer het nadat hulle Joburg Super Kings met 63 lopies met ‘n bonuspunt by St George’s Park verpletter het.

Die uitslag lig die Sunrisers na die boonste plek met 24 punte terwyl JSK vierde bly met 17.

Debutant, James Coles, het met ‘n onoorwonne 61 van 34 balle geskiet en toe 2-34 behaal, uitstekend gekombineer met Senuran Muthusamy se 3-26.

Coles en kaptein Tristan Stubbs het die wedstryd verseël met ‘n beslissende vennootskap van 88 lopies, wat Coles die Speler van die Wedstryd besorg het.