Magashule wil weet wanneer die “nonsens” gaan eindig
Voormalige Vrystaatse premier Ace Magashule vra wanneer die “nonsens” rondom die asbessaak teen hom en sy mede-beskuldigdes tot ’n einde gaan kom.
Daily Sun berig die Vrystaatse Hooggeregshof in Bloemfontein het die saak tot 18 Januarie 2027 uitgestel, nadat die verdediging en staat aangedui het dat daar steeds voorbereidingswerk uitstaande is.
Dit sluit onder meer die bekendmaking van omvangryke bewysstukke en uitstaande getuieverklarings in.
Magashule sê hy wil hê die waarheid moet uitkom en beskryf die saak as ’n mors van tyd.
Hy voeg by die voortdurende uitstel maak dit vir hom en sy mede-beskuldigdes moeilik om op die hofsaak én hul persoonlike lewens te fokus.
Verder beweer Magashule ook die aanklagte is polities gemotiveerd en sê hy sal dit in die hof bewys. Die saak spruit uit die multimiljoenrand-asbesoudit-skandaal.
Comments