Malema dreig Zille met regstappe ná beweerde lasterlike uitlatings

Die leier van die EFF, Julius Malema, dreig met regstappe teen die DA se burgemeesterskandidaat in Johannesburg, Helen Zille.

Hy beskuldig haar daarvan dat sy lasterlike bewerings oor hom gemaak het.

Eyewitness News berig Zille het onder meer beweer dat Malema die destydse burgemeester van Johannesburg, Herman Mashaba, se besluite gedikteer het. Volgens Zille het Mashaba Malema toegelaat om beheer oor City Power oor te neem en die munisipaliteit se voertuigvloot se tenderproses te beïnvloed.

Malema het die bewerings as vals en lasterlik verwerp. Hy eis dat Zille haar uitsprake terugtrek, in die openbaar om verskoning vra, ’n formele verklaring publiseer en skriftelik onderneem om nie die bewerings te herhaal nie.

Julius Malema. FOTO: eNCA