Meer as 400 asielaansoeke is ingedien voor die terugtrekking van die riglyn

Meer as 400 asielaansoeke is by vyf vlugtelingkantore ingedien kort nadat 'n riglyn in September uitgereik is wat ongedokumenteerde asielsoekers toelaat om aansoek te doen.

Dit is volgens die minister van Binnelandse Sake, Leon Schreiber.

Die riglyn is later teruggetrek nadat vlugtelingentrums gesukkel het om die toeloop te hanteer. Ethiopiese burgers het die meeste aansoeke ingedien, gevolg deur Somaliese en Kongolese burgers.

Die minister sê die departement het sedertdien 'n elektroniese besprekingstelsel ingestel om te help met die bestuur van aansoeke en die skedulering van afsprake.

Ter illustrasie. FOTO: Maroela Media