Milde reën word in Bfn verwag

Saamgestel deur Ilde Roos

Sep 15

1 min read

Minstens 100 mm reën sal na verwagting die res van die week in Bloemfontein val. Donderdag word 36 mm verwag, Vrydag 24 mm en Saterdag 40 mm.

Netwerk24 berig Vrystaters moet hulle gereed maak vir ontwrigtende reënval wat dié week oor die provinsie beweeg. Die Suid-Afrikaanse Weerdiens het Maandag ’n waarskuwing oor sterk winde en ontwrigtende reënval vir die res van die week uitgereik.

’n Afsnylaagdrukstelsel het Sondag van die Wes-Kaap inbeweeg en die Vrystaat Maandag bereik.

'n Voorspeller van die weerkantoor in Bloemfontein, Michael Nethavhani, sê geen reën word Woensdag verwag nie, maar nog ’n laagdrukstelsel sal Donderdag geïsoleerde tot verspreide donderbuie in die Oos-Vrystaat veroorsaak.