MMM vra beter kommunikasie tussen hom en OG

Die ouditeur-generaal van Suid-Afrika het vroeër hierdie week die Mangaung Metropolitaanse Munisipaliteit in die Vrystaat besoek.

Die uitvoerende burgemeester, Gregory Nthatisi, het hier die behoefte aan verbeterde kommunikasie en tydige reaksies tussen die ouditeur-generaal en die munisipaliteit beklemtoon.

Die Ouditeur-Generaal Suid-Afrika- (AGSA) span het met die burgemeesterskomitee vergader om met die stad se leierskap oor die munisipale oudit-aktiwiteite te gesels.

Hierdie vergadering vorm deel van AGSA se toesighoudende rol, wat deursigtigheid en verantwoordbaarheid binne die munisipaliteit verseker.