MOTORSPORT: Mercedes spanbaas Toto Wolff beskryf Red Bull-protes as 'klein en onbenullig'

Mercedes-spanbaas Toto Wolff het Red Bull se protes teen George Russell se Kanadese Grand Prix-oorwinning gekritiseer. Red Bull het Russell van onsportiewe gedrag beskuldig en beweer dat hy probeer het om Max Verstappen te laat penaliseer. Hy het diè protes as "kleinlik en onbenullig" beskryf nadat die beamptes die klagte laat Sondag van die hand gewys het. Wolff het volgehou dat dit ‘n regverdige oorwinning vir Mercedes was en bygevoeg dat hy seker is dat Verstappen self niks met die protes te doen gehad het nie.