Musk Sr beplan 'n vlugtelingprogram vir wit boere na Rusland

Die die tegnologiemiljardêr Elon Musk se pa, Errol Musk, werk aan ʼn projek om vlugtelingstatus in Rusland vir Suid-Afrikaanse boere te bekom. Dit is ʼn inisiatief soortgelyk aan die een deur die Amerikaanse regering om 50 Afrikaanse gesinne te hervestig.

Maroela Media berig Errol, wat Dinsdag telefonies deur AFP in Moskou gekontak is, het egter nie verdere besonderhede oor die projek verskaf nie. In ʼn onderhoud met die Russiese media het hy aangevoer dat wit Afrikanerboere spesifiek in Suid-Afrika geteiken word, wat die regering ontken.

Die goewerneur van die Vladimir-streek, Aleksandr Avdeyev, sê hy en Errol het die ontwikkeling van landbou bespreek, asook die moontlikheid om 50 gesinne van Nederlandse afkoms uit Suid-Afrika te hervestig.

Pretoria en Moskou het noue bande wat dateer van die stryd teen apartheid, toe die Sowjetunie die ANC en sy militêre vleuel ondersteun het.

Errol Musk. FOTO: Maroela Media