‘n Australiese vennootskap brei waterveiligheidopleiding vir kinders uit

Kinders in vier binnelandse provinsies word deur die Nasionale Seereddingsinstituut geleer oor waterveiligheid en oorlewingsswemvaardighede, met die ondersteuning van die Australiese regering.

Tussen April en Augustus het die vennootskap byna 26 800 leerders bereik deur middel van aanbiedings oor waterveiligheid in die Vrystaat, Gauteng, Mpumalanga en Limpopo.

Nog 141 leerders het opleiding in oorlewingsswem in die Vrystaat ontvang.

Die inisiatief is daarop gemik om ongeveer 30 000 kinders waterveiligheid te leer en 'n duisend toe te rus met praktiese oorlewingswemvaardighede. Die lesse sluit in om te dryf, asemhaling te beheer en deur die water na veiligheid te beweeg.

Ter illustrasie. FOTO: Unsplash