’n Bloem-leerder palm drie nasionale kultuurtoekennings in
Sep 9
1 min read
’n Graad ses-leerder van Grey Kollege Primêre Skool in Bloemfontein is as ’n drievoudige nasionale wenner aangewys.
Liewan Claassens het dié uitsonderlike prestasie tydens die Con Spirito Eisteddfod se Nasionale Forté-finaal behaal. Dié nasionale ronde is slegs toeganklik vir deelnemers wat ’n minimum van 90% in die eerste rondes behaal.
Claassens is as nasionale Forte-itemwenner aangewys vir sy Afrikaanse poësie, Afrikaanse opstel en ongedramatiseerde prosavoordrag.
Vir sy kreatiewe skryfwerk het hy onderskeidelik ’n A+++ en A++ ontvang.
Die skool het bevestig dat dit sy derde nasionale Forte-itemwenning is. Dit beteken hy het vanjaar drie nasionale kultuurtoekennings verower.
Comments