’n Man is glo met ’n panga by ’n vulstasie in die Vrystaat aangeval
2 days ago
1 min read
’n Man is glo by ’n vulstasie in Parys met ’n panga en ’n mes aangeval en beroof.
Volgens konstabel Kelello Patsa van die Vrystaatse polisie het vier mans glo die slagoffer se geld en selfoon gesteel en hom in die kop gesteek toe hy vroeër die week van ’n OTM by die vulstasie wegstap.
Die slagoffer kon twee van die mans aan hul voorkoms en voorname uitken, maar nie die ander twee nie.
Die polisie ondersoek die voorval as poging tot moord en roof met ’n wapen anders as ’n vuurwapen. Niemand is nog in hegtenis geneem nie.
Comments