‘n Nuwe Formule 1-renbaan word vir SA beplan
Voormalige mynmagnaat Neal Froneman beplan om Formule 1 terug te bring na Suid-Afrika, met ’n voorgestelde motorsport- en eiendomsontwikkeling van R6,7 miljard teen 2031 in Swartland in die Wes-Kaap.
Froneman sê die projek word nie bloot deur sy persoonlike belangstelling in motorsport gedryf nie, ondanks sy geskiedenis as renjaer.
Business Tech berig hy sê hy het aan tydrenne, sedanmotors en Formula GTI deelgeneem, maar die voorgestelde renbaan is hoofsaaklik ’n sakeprojek.
Die voorgestelde ontwikkeling sal van nuuts af gebou word, eerder as om die bestaande Kyalami-renbaan in Gauteng op te gradeer. Die baan sal ook bedoel wees om MotoGP en ander renkategorieë te akkommodeer.
Froneman skat dat die projek meer as 15 000 werksgeleenthede kan skep, met ’n verdere 8 000 mense wat gedurende die renweek in diens geneem kan word.
Hy het ook beklemtoon dat die projek privaat befonds sal word.
Comments