‘n Verkragting-vonnisoplegging word vir die eerste keer virtueel gedoen
In 'n eerste in sy soort uitspraak is vonnisverrigtinge deur middel van ’n oudiovisuele skakel uitgevoer terwyl die beskuldigde in die hospitaal op 'n operasie wag.
Die vonnisoplegging is vir 'n 82-jarige man van Petrusburg in die Vrystaat, wat skuldig bevind is vir die verkragting van 'n agtjarige meisie. Volgens polisiewoordvoerder brigadier Thandi Mbambo is hy sedert sy skuldigbevinding in aanhouding.
Tydens die vonnisverrigtinge het die prokureur die hof versoek om hom nie tronk toe te stuur nie weens sy ouderdom. Die staat het aangevoer dat die slagofferimpakverklaring wat ingedien is, duidelik toon deur watter trauma die kind gegaan het.
Die staat het aangevoer dat sy ouderdom hom nie daarvan weerhou het om hierdie gruwelike misdrywe te pleeg nie en dat die hof hom die voorgeskrewe minimumvonnisse moet oplê.
Comments