‘n Voormalige wêreldkampioen bokser is doodgeskiet
Die voormalige wêreldkampioen in die bantamgewigafdeling van twee boksliggame, Zolani Tete, is in 'n motor voor sy huis in Mdantsane naby KuGompo-stad doodgeskiet. Die 38-jarige bokser was glo op die punt om sy terugkeer te maak ná 'n skorsing van vier jaar weens verbode middel.
‘n Oos-Kaapse polisiewoordvoerder, brigadier Nobuntu Gantana, het bevestig dat ‘n skietvoorval gisteraand plaasgevind het. Volgens Gantana het die 38-jarige Tete by sy woning aangekom en gewag vir die hek om oop te maak toe hy en ‘n 27-jarige vroulike passasier deur twee onbekende gewapende verdagtes met balaklawas aangeval is. Die vrou het glo ook verskeie skietwonde opgedoen.
Die omstandighede rondom die voorval is nog onbekend terwyl die ondersoek voortduur.
Tete het voorheen die WBF-vlieggewig- en WBO-bantamgewigtitels gehou.
Comments