'n Vrou is vas nadat 'n baba verlate gevind is

‘n Jong vrou van Mandela Park naby Phuthaditjhaba in die Vrystaat is in hegtenis geneem in verband met ‘n insident waar ‘n pasgebore baba gevind is.

Polisiewoordvoerder, adjudant-offisier Mmako Mophiring, sê in ‘n mediaverklaring die vrou word aangekla van poging tot moord, en sal binnekort in die Phuthaditjhaba-landdroshof verskyn.

Rosestad-nuus het vroeër berig van die baba-seuntjie wat verlate deur ‘n beeswagter gevind is. Die baba is vir mediese sorg geneem en die naelstring was steeds vas.

Ter illustrasie. FOTO: Grok