Natjoints rapporteer 85 voorvalle op dag van plaaslike verkiesing

Die Nasionale Gesamentlike Operasionele en Intelligensiestruktuur (Natjoints) sê 85 voorvalle is op verkiesingsdag landwyd aangemeld.

Volgens Natjoints is altesaam 57 saakdossiere geopen, wat tot 27 arrestasies gelei het.

Van die sake hou 32 verband met oortredings van die Kieswet.

Ander sake behels aanranding, kwaadwillige beskadiging van eiendom, intimidasie, diefstal, dronkenskap en wanordelike gedrag by 'n stemburo, openbare geweld en bedrog.

Luitenant-generaal Tebello Mosikili, medevoorsitter van Natjoints, sê die voorvalle is in verskeie provinsies aangemeld.

Ter illustrasie. FOTO: Pexels