Nuwe slim-watermeters word in Bloemfontein geïnstalleer
Die Mangaung Metro Munisipaliteit gaan binnekort nuwe slim-watermeters in verskeie dele van Bloemfontein installeer.
Volgens die munisipaliteit is die sogenaamde ultrasoniese voorafbetaalde watermeters deel van pogings om waterbestuur te moderniseer, meterlesings te verbeter en waterverliese te verminder.
Die munisipaliteit vra Bloemfonteiners om met die projekspanne saam te werk en toegang tot eiendomme te verleen waar nodig.
Gebiede wat geraak word:
Westelike voorstede: Willows, Universitas, Wilgehof, Langenhoven Park en Gardenia Park.
Noordelike voorstede: Westdene, Dan Pienaar, Hillsboro, Heuwelsig, Helicon Heights en Pentagon Park.
Oostelike voorstede: Noordhoek, Mandela View, Navalsig en Raceway.
Suidelike voorstede: Fichardt Park, Pellissier en Fauna.
Comments