OGGEND SPORT: Die Bulls is ’n teleurgesteld na hul nederlaag teen die Cheetahs, Bangladesj behaal ’n geskiedkundige oorwinning en Arsenal begin hul seisoen met ‘n oorwinning
- Saamgestel deur Jana Roos
- 42 minutes ago
- 1 min read
Ons kyk na van die naweek se sport-hoogtepunte:
Ons skop af met rugby: Die Vodacom Bulls het hul teleurstelling uitgespreek ná hul nederlaag teen die Cheetahs in die Black Label Curriebeker die naweek.
Die twee spanne het Sondag in die vyfde ronde van die kompetisie kragte gemeet. Die Cheetahs het die wedstryd weg van die huis gewen met 62 punte teenoor die tuisspan se 52. Die Bulls-afrigter, Phiwe Nomlomo, sê die nederlaag was teleurstellend.
LUISTER HIER:
In krieket: Bangladesj het ’n geskiedkundige eerste toetswedstryd-oorwinning teen Australië behaal.
Hulle het Sondag in Darwin die teiken van 57 lopies vir ’n oorwinning met nege paaltjies in die hand suksesvol gejaag.
Dit was Bangladesj se eerste toetswedstryd-oorwinning in Australië. Die span se kaptein, Najmul Hossain Shanto, sê dit was die land se grootste oorwinning in enige formaat.
Bangladesj sê die oorwinning sal hulle inspireer om in die toekoms iets selfs meer besonders te bereik.
Ons sluit af met sokker-nuus: Arsenal het Manchester City in die Community Shield geklop in 'n kragmeting wat as 'n voorloper tot die nuwe Premierliga-seisoen dien. Die Gunners het van die begin af met selfvertroue gespeel en City onder druk geplaas. Arsenal se aanvalle was gevaarlik, terwyl hul verdediging goed geanker was.
Die wedstryd het ook 'n interessante taktiese stryd tussen Arsenal-afrigter Mikel Arteta en sy voormalige mentor, Pep Guardiola, opgelewer. Die oorwinning gee Arsenal vroeg in die seisoen momentum en sal hul ondersteuners hoop gee dat die span vanjaar weer 'n ernstige aanspraakmaker op die Premierliga-titel kan wees.
Comments